01-26-2018, 08:25 PM
|
#1 | |
 أبو عبدالرحمن 
|
روائع الشاعر الكبير أحمد الدرمحي
 روائع شاعر العرضة الشاعر الكبير والمبدع :::::::: ( أحمد الدرمحي )::::::::
(( وين انت ))= وين انت يا اللي كل ما اشوفه ارتاح=وانسى تكاليف الحياة ونكدها غالي ومتغلي وهادي ولماح=يسمع حروفي قبل ينطق مددها سولف معي والهرج للقلب مفتاح=لاتترك افكاري تسولف وحدها الهرج نهر اشواق والصمت تمساح=لا ما قتل صيدته شوه جسدها ماعاد ينفع ترفع الحظ لا طاح=انا ثقيل وطيحتي ما بعدها (( وله إيضاً ))= شطراً لابن عياد من ضمن قيفان=ياخي لاتنشد عن الحال ياخي موتك يابو عادل كسر كل وجدان=يا الحاضر الغايب ويا الميت الحي ماعاد بعدك ينقص الحزن برهان=صحيح ها الدنيا ماتسوى ولا شي ماشفت بعدك يشبه لحزن زهران=الا حزن شمر على حاتم الطي (( وله إيضاً ))= من لا عرف كاين من كان=اضنها الحين مفهومة في ضل راعي الحزم سلمان=لا تلعب الدار محكومة (( وله إيضاً ))= تشافى الجرح الاول ياخسارة=تعالي واجرحيني جرح ثاني انا شاعر وجرحك له اثارة=بدون الجرح ما ينطق لساني (( وله إيضاً ))= اذا انت من حقك تمادى في الاهمال =انا بعد من حقي اهملك وانسى دنياي مرت بي على كل الاحوال=لين لكن الوقت علمني اقسى (( وله إيضاً ))= اعتذر لو الخطا ماهو ب مني=اعرف ان التضحية قلب الصداقة يازماني لاتحاول تمتحني=امتحاني صعب في قطع العلاقة (( وله إيضاً ))= انا والله اني منك يا صاحبي مجروح=ولاعاد ينفع بعد جرحك تقول امزح جروح الجسد تطغى عليها جروح الروح=طبيب الجراحة ماجرح كثر ما تجرح (( وله كذالك ))= الا يا رفيقي لا تطبع بطبع الذيب=ترى خبث طبع الذيب عيبه وعذروبه فلا ينفع المعروف عنده ولا التأديب=ومهما معاه احسنت ماغير اسلوبه (( وله إيضاً ))= ياصغير لا تغلا على الناس الكبار=الكبير ان بعته يبيع بالمجانية ماتشوف من المحطة اذا راح القطار=ما يوقف لين يوصل محطه ثانية (( وله إيضاً ))= المشكلة اني بعد ما قررت اتوب=عن حبك الي ماوراه الا شقى حتى على الجدران قمت ارسم قلوب=وعلى قزاز الموتر اكتب(وش بقى) (( وله إيضاً ))= دموع العتاب الي ترقرق على الأجفان=احاسيس ماهو كل عاشق يترجمها براكين داخل قلب فاضت من الشريان=لكن العيون بقدرة الله تحجمها (( وله إيضاً ))= تقول ان الحزن والصمت وافر=وحظك خلف باب السجن قابع ومن يقدر علــى قلع الاظافر =يسويها وجمهــوره يتــــابـع الاشواق أسلمت والحظ كافر=وديواني عليه الحزن طابع مايحبس دمعتي وانته مسافر=سوى صمتي وفرقعة الاصابع (( وله إيضاً ))= الجفا عملاق يفتك بالشعور=وانتي اقسى منه الى منه بطش خاب ضني يوم ناضرت الحضور=ياسراب الحب زدتيني عطش (( وله إيضاً ))= هذيك قلبي لها عن ما يكنه يبوح=تذوب كل الصور في عينها الداعجة يازينها يوم تبدا في الحكي والمزوح=تحكي وتسكت على بعض الحكي محرجة (( وله إيضاً ))= لا تعاتبني على كثر صمتي في لقاك=والله اني اشتاق لك مثل ما تشتاق لي غير لا شفتك تلعثم لساني من غلاك=اه لو صمتي يعبر بما في داخلي (( وله إيضاً ))= ياصاحبي عقبكم والهم متغطرس=من بين الاضلاع مسراحه ومدهاله يسقي جروحي عذاب ويحصد ويغرس=حتى ولو راح خلاني على باله (( وله إيضاً ))= الرسايل بعض الاحيان ينقصها الوضوح=لجل تعرف وش مرادي وانا اعرف وش تبي لوقرينا حسب مافي الضماير من جروح=الغبي يصبح ذكي والذكي يصبح غبي (( وله إيضاً ))= علمونا والنعم ردها ماعنك زود=قولها لوكان صاحبك ماهو قدها الجمايل بالفعل والحكي مامنه فود=والي اصعب من قبول الجمايل ردها (( وله إيضاً ))= لاتصدق كل من تحسبه بين الناس صاحب=الوجوه لها اقنعة تقسى الظروف وترتديها السفر يكشف لك الرجال من عدة جوانب=والمواقف تفحص الاخلاق وتشيك عليها (( ياجوالي ))= ياجوالي الله لا يجازيك عني خير=ترجعني اعشق بعد ما اعلنتها توبة علامك تفاجيني بنغمة ورقم غير=واسامي زمان اول بعد فيك مكتوبة ما تدريبي اني قمت اكفر عن التقصير= وطلعت قلبي من هوى البيض باعجوبة انا لي سنين احاول اعالج التدمير= جروح صحت وجروح في حال غيبوبة تريحت من كثير الهوجيس والتفكير= ومن عيشة كانت شقيه ومنكوبة رسايل صباح الورد واعجز عن التعبير=ودقي على دبدوب واصحي يا دبدوبه وهذا يقول اعشق وهذا يقول اغير= وهذا رسم قلبه وهو منذبح دوبه يقول ادركوني ويش ماصار ويش ايصير= ورى اربع سنين وتطلع البنت مخطوبة ياجوالي انا ما اكره الحب والتطوير= لكني تعبت وقلبي اضناه مطلوبه انا الي هويته راح عني مراح الطير =بروس الجبال وطبعه الصلف عذروبه تعبت اني اروضه واسيره ويسير=عيونه عيون الصقر واسلوبه اسلوبه اخاف اني اتذكره وارجع رجوع الزير =لحرب البسوس وثاره الي تناسوا به يا جوال الموضوع ما يقبل التاخير=على الله تصك الخط لا ترجع النوبة وقول ان ابو خالد نساكم بلا تبرير = وغلطته سارت عشر مرات محسوبة أحمد الدرمحي= 
|
|
التعديل الأخير تم بواسطة جندب المالكي ; 01-26-2018 الساعة 08:29 PM
|
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | إبحث في الموضوع |
| طريقة عرض الموضوع | |
|
|
|
|
العرض العادي
