اللهم أصلح لنا ديننا الذي هو عصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا، اللهم لا تجعل الدنيا أكبر همنا ولا مبلغ علمنا ولا إلى النار مصيرنا، اللهم لا تجعل مصيبتنا في ديننا، اللهم اجعل الحياة زيادة لنا في كل خير والموت راحة لنا من كل شر، اللهم اختم لنا بخير واجعل عواقب أمورنا إلى خير وتوفنا وأنت راضٍ عنا. اللهم أصلح أئمتنا وولاة أمورنا وآمنا في أوطاننا ودرونا، اللهم اغفر جميع ما مضى من ذنوبنا واعصمنا فيما بقي من عمرنا، وارزقنا عملاً زاكياً ترضى به عنا, خذ بنواصينا إلى الحق، واجعل الإسلام منتهى رجائنا. اللهم لا تدع لنا ولا لأحد من المسلمين هماً إلا فرجته ولا ذنباً إلا غفرته ولا مريضاً إلا شفيته ولا ميتاً إلا رحمته ولا ديناً إلا قضيته ولا مبتلى إلا عافيته ولا عسيراً إلا يسرته ولا كرباً إلا نفسته ولا حاجة من حوائج الدنيا والآخرة إلا يسرتها. أقول قولي هذا وأستغفر الله لي ولكم. |

(رجالاً توفاهم الله من قبيلة البشرآن)
                                                                                                                                                                                                                             
تابعونا عبر تويتر تابعونا عبر فيس بوك

الإهداءات




روائع الدكتور الشاعر عبدالعزيز شلاش العنزي

خِزانة روائع الشعراء


إضافة رد
قديم 01-23-2018, 07:04 PM   #1
أبو عبدالرحمن


الصورة الرمزية جندب المالكي
جندب المالكي غير متواجد حالياً

بيانات اضافيه [ + ]
 رقم العضوية : 3
 تاريخ التسجيل :  Jul 2013
 أخر زيارة : 09-05-2018 (08:30 PM)
 المشاركات : 3,152 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
 اوسمتي
القلم الذهبي وسام 6 ادارة 
لوني المفضل : Brown
افتراضي روائع الدكتور الشاعر عبدالعزيز شلاش العنزي






روائع الدكتور الشاعر عبدالعزيز شلاش العنزي
الأمين العام
للمجلس العربي للادباء والشعراء والمثقفين العرب
(( سلام ))=
سلام والمرقب عوابه ذيبه =ذيب(ن) عواء جزل العشا يحري به
لج القنيب وجاوبته ضلوعه =لين المكان اصبح مخيف وهيبه
صوت العواء يطرب عليه الشاعر =والذيب قاف الشاعر يغني به
دنت هواجيسه وهجرس صوته =وجاب الكلام اللي على ترتيبه
وسط البحر ضيّع ذباب الأبره =تعال يالغطاس ليه جيبه
شفت الكواكب كلها بالغبة =بس القمر والشمس ماجوني به
مدري انا صوت البحر هو مزعج =ولا من الأثنين جات العيبة
رسالة الدكتور بحث(ن) علمي =خلت جميع العالمين بريبة
وان قلت يادكتور وضح شرحك= قال الشجر وشي مناقب طيبه
قلت الشجر واقف وظله وافر =والشمس تصلابه ولا يدري به
بس الشجر ماله نصيب بظله =المستفيد اللي يجي بشعيبه
كتبت انا قافي بحبر(ن) سري =هاك القلم ياللي تبا تجاري به
(( ياديرتي ))=
ياديرتي عيشي بامن وأماني = عيشي رغد بسم الله الرحماني
ياقبلة الاسلام يامنصورة = ياروحانية مهبط القرآني
إيه اشمخي مافيه دراراً زيك = ياجوهرة يادرة الأوطاني
تفاخري رفّي علمك العالي = أنت تحت حكم الملك سلماني
تفاخري بابو فهد يزها لك= قلدك عقد اللول والمرجاني
ملك ملوك الأرض تخضع لامره= من لاخضع لرضاه يخضع عاني
ملك وشعبه عاهدوه الطاعة= حب ولا يجري مع الشرياني
متكاتفين وقولهم لبينا= ياسيدي أمرك من الأعياني
أرواحنا ياسيدي لك فدوة=بسوق الغلا تنباع بالمجاني
والحين حنا عام ذكر البيعة= يعجز عن التعبير عنه الساني
(( ياالله ))=
ياالله وانا سالك بفصاحة السان = و يا الله على القول الحميد تهداني
لين انضم المعنى كما نضم مرجان = واعطره ....با الورد ....والزعفراني
ويارب جملني بحفل ابن جدعان = شيخ الشيوخ الي بحفله دعاني
شيوخنا من سابق الوقت والان = شيوخ عنزه في كل دار وزماني
ياشيخ لك شيمة وجاهاً ولك شان = ولك العلو .. من العلو المكاني
اعتز ياخو بتلاء واعزم بويلان = كل عنزي يجيك بالحال عاني
عزك بربعك ونت للعز عنوان = اعزم ولك ربعن طوال اليماني
كن عنزه كواكبن نورها بان = وانته بهم مثل سهيل اليماني
امجادنا ماتنطوي في زمن كان = امجادنا تنعاد مع الثواني
المجد حاضرنا و موروث جدان = تفنى أمم والمجد ماهو فاني
من غير نقصن بالقبايل وحقران = حنا عنزه للطيب رمز ومعاني
قبل الختام سعود كيفك كحيلان = اهديك من ربعي جزيل التهاني
ربعي هل الجدعا سلايل سليمان= اجمل تهانيهم يقوله لساني
(( لاجزاك الله ))=
لاجزاك الله حمامة نايحة =مالقيتي غير شبّاكي بديل
ليه غنيتي لحونً جارحة= وعذابي كل ماوحيت الهديل
صوتها وشوف البروق اللايحة =هن سبايب سروة الليل الطويل
ساهراً من ليل قبل البارحة = كن عيني صابها عل أم ذيل
اتطرا في ليال (ن) رايحة = صدق مابعد الرحيل الا النزيل
المعارك والخساير فادحة =والنصر ماهو مبين له دليل
ماثنت عزمي حظوظن طايحة =والله اني لااحمل الحمل الثقيل
والزمن لو شححن منايحه= ازرع البستان عنّاب ونخيل
ورد بالبستان زين الرايحة =ريحة اليشموم غير الزنجبيل
لكن الريحان ريحه فايحة =أستلذ ابشمها عابر سبيل
يالله انك لاتجيب القارحة= لين يصحي بالزمن عقل الهبيل
(( قامت تزاحم ))=
قامت تزاحم بالصدر جملة علوم = وأبهرج وابقى لسري كتومي
أخشى من الشمات ومدور اللوم= أشوم من خوفي لنفسي للومي
أصوم وأفطر سم وأكمل الصوم= ليل ونهار مواصل(ن) فيه صومي
الليل مظلم والسماء كله نجوم= بس القمر ما بان بين النجومي
والصبح يبدي والسماء جوها غيوم= وشمسي كسوف وحاجبتها الغيومي
أعجز عن الكلمة وانا رجل مكلوم= شفاي حاكم واللسان محكومي
ياما أثقل الكلمة على صدر زيزوم= ناخت بها ركابي وطاحت عزومي
أشفق على الوقفة على راس ملموم= لوماح ملموم(ن) براسه رجومي
أرقب وانا صدري تزاحم به هموم= في عالي الملموم يقضي لزومي
أقوم أنا وَاطيح وَاطيح وأقوم =وضحك ولو طير المنايا يحومي
ياقوم يا بعض السواليف ياقوم = يشفاء المريض وللحجامه وسومي
(( يامسندي ))=
يامسندي سلمان لي فيك عازات= بس القبر بيني وبينك حجبني
صحيح بن الموت هدام لذات= ليته بدالك يا عضيدي خذبني
ليتك بجنبي في الليال الصعيبات= ولا الرخاء كل العرب تصطحبني
لو سنت الحيين تسمع للأموات= لاصيح لك وقول وقتي غلبني
لاضقت ناديتك وطوحت الأصوات= تكفى ولو بالحلم لصحت جبني
(( سلام ))=
سلام وعيون الشعر يكحله ميل =كحلت عين القاف لين إغمزت لي
لعيون من يلقى لـقافي تحاليل =بيطار ينقض ياهل العرف فتلي
يفهم وش اللي اقصده بالتفاصيل = يبحث خفا خافي رموزٍ أختفت لي
يشوف ماخفّيت في عسعس الليل= حتى ولو في طي بير انطوت لي
واليوم انا ابي منه للعلم تاويل = اطياف حلمٍ بالخيال إعرضت لي
ذنب الجدي جاثم على عاتق سهيل =شفت الكواكب والنجوم إشتكت لي
سهيل لو توصف عليه الرجاجيل = يغيب لو صوّت له مالتفت لي
وان طوّل الغيبه يجيب المباهيل = غايب وبعد غياب بالخير متلي
جاب السحاب اللي مزونه مضاليل = يرزم رعدها والبروق المعت لي
والجدي ترقب له عيون الدواليل = دليلتي بالوصف كان انّعت لي
يمكن ورا ادغاث المخايل بهاذيل = انا اتخيل والهجوس اوصفت لي
مشهد خيالي جاب صوره وتمثيل = كان الرموز المبهمه ترجمت لي
تممت انا موجز وفيه التفاصيل= من بعد عين القافيه ما إغمزت لي
درع عنزة =


 
 توقيع : جندب المالكي


التعديل الأخير تم بواسطة جندب المالكي ; 01-24-2018 الساعة 12:59 AM

رد مع اقتباس
قديم 01-23-2018, 08:06 PM   #2
أبو عبدالرحمن


الصورة الرمزية جندب المالكي
جندب المالكي غير متواجد حالياً

بيانات اضافيه [ + ]
 رقم العضوية : 3
 تاريخ التسجيل :  Jul 2013
 أخر زيارة : 09-05-2018 (08:30 PM)
 المشاركات : 3,152 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Brown

اوسمتي

افتراضي





 
 توقيع : جندب المالكي



رد مع اقتباس
إضافة رد

مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.4
Copyright ©2000 - 2018, Jelsoft Enterprises Ltd diamond
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education
هام // ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها
اختصار الروابط
vEhdaa 1.1 by NLP ©2009