قال الذي لا تمثل بالمثايل ما نطق من فراغ

(((( عجّة الامتراغ))))=
قال الذي لا تمثل بالمثايل ما نطق من فراغ=ينقى ويختار من حلو القريض المستفيض أبلغه
ياصاحب المنطق المتفرد المتجدد المستساغ=يخزانة الفكر يابنك الثقافة والادب واللغة
تقبل ازكى تحيات الذي شغل خلايا الدماغ=الشاعر اللي هواجيسه لبدع الشعر متفرغة
ليش الخواجة رمى القبوع ثم أستبدله بالشماغ=هو ما درى إن المشاعر مغضبات ولا تبي دغدغة
أنبح صوت الحناجر من تراديد الندا والبلاغ=لكن ابت تدرك الافـهام وآبت تفهم الادمغة
زواجراً ترهب الباغي وتفزع كل مفسد وطاغ=والحق يطغى على الباطل ويزهق عندما يدمغه
هذا وانا لي طواريقاً من سمان المعاني تصاغ=واغلف البيت بالمعنى وباللفظ البليغ اصبغه
واما الانوف التي شمت عتايم عجة الامتراغ=لا يحسبون الزوابع كلها في دايرة مفرغة
والليث من بعد قتله سلمو جلده لعامل دباغ=من بعد ناشت مخاليبه مواشي حجرة المدبغة
وارمي والاهداف والشارات عندي كلها ماتراغ=يشهد على القول هذا لابسين الجوخ والاشمغة
ولا علية من اللي يجمعون الارصدة والمصاغ=ولا اعتزي بالذي وقت اللوازم ما بذل مبلغه
والشارب اللي كساه الشيب وتعرض لشغل الصباغ=ملّ الرخاء والرفاهية وعيشة كلها نغنغة
وآخر قراراً صدر عند الجميع اصبح معطل ولاغ=رغم ارتفاع الصراخ وكثرة التعتيم والمغمغة
ودروب الاخطار ترث في عظام اللي مشاها بتاغ=واللي يدخل يدينه جوف جحر العقربة تلدغه
وصميدع القوم يتحدى المخاوف لو بغى كل باغ=لو تبلتع حية البيداء في امعاها ورل ووزغة
ماداموا أهل الصنادق في بطون الاودية والرِداغ=والناس تبلع وتاكل زادها من دون لا تمضغه
والنايبات ارهقتنا والبصر منها تحير وزاغ=ولسان راعي الفصاحة صايبنه لعثمة والتغة
وملوث الطبع في مستنقع الحقران طابغ طباغ=وانفه بوحل الوضاعة كل يوماً واحداً يمرغه
والقلب لو ينفلغ من مدلهمات الخطوب انفلاغ =انعام ربي وخيراته على كل البشر مسبغة
واقول يا شاعراً نجمه بزغ بين النجوم إنبزاغ=ابغى مردك على القيفان كانك شاعراً نابغة
جندب المالكي=