اللهم أصلح لنا ديننا الذي هو عصمة أمرنا وأصلح لنا دنيانا التي فيها معاشنا وأصلح لنا آخرتنا التي إليها معادنا، اللهم لا تجعل الدنيا أكبر همنا ولا مبلغ علمنا ولا إلى النار مصيرنا، اللهم لا تجعل مصيبتنا في ديننا، اللهم اجعل الحياة زيادة لنا في كل خير والموت راحة لنا من كل شر، اللهم اختم لنا بخير واجعل عواقب أمورنا إلى خير وتوفنا وأنت راضٍ عنا. اللهم أصلح أئمتنا وولاة أمورنا وآمنا في أوطاننا ودرونا، اللهم اغفر جميع ما مضى من ذنوبنا واعصمنا فيما بقي من عمرنا، وارزقنا عملاً زاكياً ترضى به عنا, خذ بنواصينا إلى الحق، واجعل الإسلام منتهى رجائنا. اللهم لا تدع لنا ولا لأحد من المسلمين هماً إلا فرجته ولا ذنباً إلا غفرته ولا مريضاً إلا شفيته ولا ميتاً إلا رحمته ولا ديناً إلا قضيته ولا مبتلى إلا عافيته ولا عسيراً إلا يسرته ولا كرباً إلا نفسته ولا حاجة من حوائج الدنيا والآخرة إلا يسرتها. أقول قولي هذا وأستغفر الله لي ولكم. |

(مناظر من قرية البشرآن)
                                                                                                                                                                                                                                                                    
تابعونا عبر تويتر تابعونا عبر فيس بوك

الإهداءات




روائع الشاعر الكبير عيد بن مربح الرشيدي

خِزانة روائع الشعراء


إضافة رد
قديم 02-02-2016, 08:13 PM   #1


الصورة الرمزية الناطق الاعلامي
الناطق الاعلامي غير متواجد حالياً

بيانات اضافيه [ + ]
 رقم العضوية : 68
 تاريخ التسجيل :  Feb 2015
 أخر زيارة : 05-26-2020 (08:59 AM)
 المشاركات : 433 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
 اوسمتي
وسام التميز 
لوني المفضل : Brown
Mmyz روائع الشاعر الكبير عيد بن مربح الرشيدي






نبذة عن عيد بن مربح
اشتهر الشاعر السعودي عيد بن مربح بشعره الشعبي وخاصة الشعر النبطي منه. ذاع صيته الشعري من خلال العديد من القصائد وخصوصاً قصيدتي المور وعلاوي نجد. وقد استطاع مربح رغم حياته القاسية وظروفه الشحيحة أن يكون اسماً شعرياً بارزاً في أنحاء بلده السعودية وكامل أنحاء الجزيرة العربية. تعرف على السيرة الذاتية الإنجازات والحكم والأقوال وكل المعلومات التي تحتاجها عن عيد بن مربح.
بدايات عيد بن مربح
ولد الشاعر السعودي عيد بن مربح في مدينة الحليفة الواقعة جنوب حائل في المملكة العربية السعودية من العام 1948. كان والده يعمل في السلك العسكري في مدينة الطائف لذلك انتقل للعيش فيها في بداية حياته.
بعد تقاعد والده من عمله عاد معه إلى مسقط رأسه وبدأ العمل في رعاية الإبل والمواشي الخاصة بوالده. وعندما أصبح شاباً ذهب إلى مدينة الرياض ساعياً للحصول على عمل لتحسين ظروف أسرته المادية ولكنه لم يوفق في ذلك فاتجه إلى الكويت وهناك التحق بالجيش الكويتي وبقي فيه حتى العام 1990.
إنجازات عيد بن مربح
عاد عيد بن مربح عقب استقالته من الجيش الكويتي في العام 1990 إلى منطقة نجد في السعودية حيث قام باستدانة مبلغ مالي وشراء شاحنة نقل والمعروفة حينها باسم "المور" وقام بالعمل غليها في نقل البضائع داخل السعودية وخارجها.
بعد ذلك بفترة التحق بالعمل في شركة شيفرون الكويتية واستمر في العمل معها لمدة 24 عاماً حيث استقال في العام 2009 منها.
بعد الاستقالة بقي مستقراً في مدينة الخفنجي التي أقام فيها خلال فترة عمله وذلك بهدف ضمان مستقبل دراسي جيد لأولاده.
أما بالنسبة لحياته الشعرية فقد بدأ عيد بن مربح الاهتمام بالشعر من سن الخامسة عشرة وكان ذلك من خلال قيامه بالمساجلات الشعرية مع أبيه وأخوته, الأمر الذي ساعده كثيراً على صقل موهبته الشعرية.
اهتم عيد بن مربح أيضاً بما كتبه الشعراء الكبار من قصائد كالشاعر عبدالله بن حمود بن سعد بن سبيل الباهلي والشاعر سعد البذال الرشيدي والشعار قر بن مسلم بن زيد النصافي الرشيدي وغيرهم.
فقد عمد إلى حفظ العديد من قصائدهم والاستشهاد بها في المجالس.
وعندما بدأ بن مربح بنظم قصائده اهتم بشعر المحاورة بشكل كبير وبرع فيه وكان يعتمد على الحفظ الذهني لقصائده وقصائد غيره من الشعراء.
من أهم المحاورات الشعرية التي قام بها بن مربح هي المحاورة التي قامت بينه وبين الشاعر صياف بن عواد بن شميلان السميحي في الكويت عام 1985.واتسمت المحاورة بالقوة الشديدة والتنافس.
كما أسهم عيد بن مربح بفضل أسلوبه الأدبي المميز وحسه الشعري الفكاهي في ازدهار فن القلطة (المحاورة) في بلاده.
من أشهر القصائد التي نظمها عيد بن مربح قصيدة "المور" وهي قصيدة تتحدث عن استدانته لمبلغ مالي من أجل شراء شاحنة النقل المعروفة بالمور وعجزه عن سداد الدين بسبب شح العمل في منطقته فقرر ترك المكان والعمل بعيداً حتى يتمكن من جمع النقود وسداد الدين. وعند سماع أصحاب الدين بالقصيدة طلبوا منه العودة وتأجيل سداد الدين إلى أمد بعيد.
وزاد من شهرة القصيدة أدائها من قبل المنشد فهد مطر كشيلة شعبية.
ومن قصائد بن مربح الشهيرة أيضاً قصيدة "علاوي نجد" والتي تحدث فيها عن نسبه لقبيلة عبس وافتخر من خلال كلماتها بفارس قبيلته عنترة بن شداد.
للشاعر عيد بن مربح العديد من الدوواين الشعرية التي لاقت انتشاراً كبيراً في المملكة العربية السعودية والخليج العربي ومازالت قصائده خالدة في ذاكرة الكثيرين حتى بعد رحيله في العام 2018.
أشهر أقوال عيد بن مربح
حياة عيد بن مربح الشخصية
متزوج ولديه عد أولاد, ويكنى بأبو غريب نسبة إلى ولده الأكبر غريب.
وفاة عيد بن مربح
توفي الشاعر عيد بن مربح في 28 أيلول من عام 2018 بعد تعرضه لوعكة صحية مكث بسببها لعدة أيام في العناية المركزة.
حقائق سريعة عن عيد بن مربح
•حرص عيد بن مربح في شهر رمضان على استغلال الوقت في الذكر وحرص أيضاً على زيارة الأقارب والأصدقاء وعلم أولاده على صلة الرحم وصلة الأقارب. وكان ذلك سبباً من بين عدة أسباب في محبة الناس الكبيرة له.
•لم يتقاض عيد بن مربح أي مقابل مادي عن قصائده أو عن المحاورات الشعرية التي قام بها معتبراً أن الشعر ليس ملكه الخاص بل هو لمن يحتاجه في أي وقت أو أي مكان.
_____________________
روائع الشاعر الكبير عيد بن مربح الرشيدي
بديت=
بديت بآسم مكون الأنـس والجـان=بأسمه يعاهـد كـل جـنٍ مـرودي
وردٍ علـى ماقالـه فـلان وفـلان=ضعوف النفوس اللي تغث الكبـودي
تاريـخ متجـرد وتأليـف عميـان=كنه علـى ظلـم العبـاد محـدودي
أخص من سطر بالاحقـاد ديـوان=حقـود والمصـدر كتابـة حقـودي
اليا أنعدم مبدى العقيـده بالانسـان=يقـدر يسـوي مايسـوي اليهـودي
ولأهل الوفا والصدق شكراٍ وعرفان=وتحيـةٍ عـطـره وبـاقـة ورودي
نعم رشيدي من بني عبس غطفـان=من قيس ابن عيلان شجرة جـدودي
تحت مسمى عبس واشجع وذبيـان=تلقى عنا وينـي ومجـدي وجـودي
هرجٍ على صدق وحقايق وبرهـان=حقايـقٍ تدمـغ دمـاغ الجحـودي
حقايقٍ تروي معانـي خبـر كـان=بخطـوط كوفيـه بصـم الحيـودي
حصل المنافس والسبب سبة حصان=سبة فرس وحصان راحت فهـودي
وجانا بغا التركـي ودارن الاكـوان=دون الكرامـه والوطـن والعـدودي
ومر الجفاف وراحوا البـدو فرقـان=كل ٍ طوى بيتـه بظهـر القعـودي
وزاحوا لنا من غبر الايام فرسـان=احدٍ حـدر وأحـدٍ توجـه سنـودي
شالوا على فلك البحـر لأم درمـان=يبـون وديـانٍ سقتهـا الرعـودي
ثم استقـروا بيـن كسـلا وحلفـان=يتلـون شـف مطيـرات البـدودي
ونزلٍ نزح للسيف راضي وقنعـان=مـن البحـر للدبـدبـه للنـفـودي
قوم ٍ لهم في ساحـة المجـد ميـدان=يـوم ان كـلٍ دون حـده يـذودي
صالوا وجالـوا واستقـروا بهـدلان=دار الصبـاح اللـي تلـم الوفـودي
ونزلٍ تورث منزلـة عبـس بأبـان=ونزلٍ بوادي السر سوى السـدودي
وفي كل دار ألنا مـوارد وعربـان=وتاريخنا بارض العرب له وجـودي
وحنا بقينـا بالمنـازل والاوطـان=بأقسى الظروف مواصلين الصمودي
ترمز لنـا الكفـه هويـه وعنـوان=الناس تعـرف والعوانـي تـرودي
يوم الجزيره بين تسعيـن شيطـان=نطعن ونطعن دون هاك الحـدودي
من المدينـه حدنـا ضلـع حبـران=مايمرها الا مـن خضـع للقيـودي
ومن حرة الكوره لشرقـي مرغـان=بعد امرنا يردون ماهـا الـورودي
ومن ذاق ضرب سهومنا راح ندمـان=يمـوت مافكـر بلـم الـجـرودي
اسلاحنـا قـو العزيمـه والايمـان=والا عددنـا بالحسـاب مـعـدودي
ودخيلنا ممن عن الضيم مـا يهـان=وسلامته نبـذل وراهـا الجهـودي
وخوينا مايكظـم الغيـض زعـلان=وقصيرنـا نعطيـه حـقـه وزودي
حنا هل المعروف ورجال الاحسـان=قومٍ نجود اليا أنعـدم كـل جـودي
وأمجادنا غصبٍ على كل مرضـان=شعاع ذري في عيـون الحسـودي
ويوم ارسل الله مسلما لـم الاخـوان=سرنا ورى صقر الجزيره جنـودي
من ضمن جيش الفيصلي نسل عدنان=والله يشهـد والخلايـق شـهـودي
وننعم بحكم محاسبـة كـل غلطـان=ولا عاش من يجرح كرامة سعودي
يالمور=
يالمور خذ نمرة الخامس من اليمنا=تحتر تبرد تـرا الاخـلاق خربانـة
والله لتنـدم وحـنـا ماتفاهمـنـا=مـادام ميقـوع ماعقبـت قلبانـه
ولاتشكي الظلم حنا الوقت ظالمنـا=دليل ظلمي تراك تشـوف برهانـه
البارحه مع ثلاث اوجـاب مانمنـا=مكينتك تشتغـل والعيـن سهرانـه
ان دبرت شدنـا يرخـى محازمنـا=نروى بدلون يضيّـع مـاه شقانـه
وان اقبلت خصمنا يقضي لوازمنـا=صداقتة تستحـل بيـوت عدوانـه
عـزالله انـا مـن الدنيـا تعلمنـا=درسن صعيبن على التلميذ نسيانه
الله يجيب الصديـق اللـي يعلمنـا=ابنشده عن غريب وحـال عربانـه
لولاه في بيـت جدانـه محطمنـا=ياوسع صدري عليه و بيت جدانـه
لو قصدنا البعـد مرينـا وسلمنـا=مير البلا شوفـت الديـان ديانـه
ياتـل قلبـي=
ياتـل قلبـي تلـة الجمـس بثنيـن=في يد عديم وشاحـن لـه زقايـر
وقف يشيل الحمل من بيـن حديـن=وقبل غروب الشمس والعج طايـر
بنشر مابين المركزييـن الغريريـن=وركب اسبيره كن ماهـوب ذايـر
وقامو عليه اللي على الموت جسرين=مسلحـيـن ومـدديّـن ذخـايـر
سبعة جموس موديل سبعه وسبعيـن=ومن فوقهن تقريب سبعـة حظايـر
قام وركب من فوق صافي البليتيـن=اللي حساسه مثـل حـس النذايـر
قال انتهض لعيون مريوشة العيـن=امـا طلعنـا بربـح والا خسايـر
عامين وانا اخـذ مقاضـي بالديـن=واليوم في تسديـدة الديـن حايـر
مع الوعـر ممشـاه ميـه وستيـن=ومع السهل طبلونه اللي انت خابـر
لقيت للقرحة=
لقيت للقرحة علاجن طبيعي =فرقى ختوش الربع وأنذال الأصحاب
قلبي ليا مني نزرته يطيعي =يضغط على نفسي وترتاح الأعصاب
وأنا مع أهل العرف راسي رفيعي= والوقت عادي فيه حساد وأذناب
يابن خلف يانسل عوداً شجيعي =يالنادر اللي من هقى فيك ماخاب
تعال أبيك وخل صدرك وسيعي =نبي نتناقش بالقضية والأسباب
قضية عنها الدلايل تضيعي = ماني غني عن رأي عكفان الأشناب
وإفهم عليٌه قدر ماتستطيعي=وتراي ماسندت لك لولا الإعجاب
وعطني مرادك بالقطار السريعي=وعساك تلقى لي عن الريع مجناب
ياعلاوي=
ياعلاوي نجـد علك مراديـم السحـاب=ديرةٍ فيهـا تربيـت من يومي صغيـر
ياطبيب النفـس وشهـو عـلاج الأكتئـاب=أعطني وصفة علاجه ترى وضعي خطيـر
عشت في غربة حقايق وفي وضع اغتراب=والتجارب عرفتنـي علـى الشـي الكثيـر
شفت ناسٍ ترسم الورده ابصدر الغراب=والغراب أليا بغيت ألمـس الـورده يطيـر
أستفدت من الذيابـة ومـن نبـح الكـلاب=وأستفدت من الرغا وأستفدت مـن الهديـر
ولاكسبت إلا معرفـة عزيزيـن الجنـاب=ولاخسرت إلا معرفـة عديميـن الضميـر
أقترب لامقترب شيـن بعـض الأقتـراب=أبتعـد لامبتعـد شيـئ فـي حقـي كبيـر
ياسؤالي كل ماطرحـك ماألقالـك جـواب=مالي إلا الصبر وأهل الصبر توعد بخيـر
وصف خبلان الرخا مثل ضحضاح السراب=يفرح العطشان شوفه يحسـب انـه غديـر
للردي لو هو ولد عم لاتحسب لـه حسـاب=كم عزيـزٍ ذلـه الوقـت بضيافـة حقيـر
الـدروس أنـواع تطبيـق والا بنتـسـاب=بس أنا اللي طبـق الـدرس قـدام المديـر
يا (غريب )أن مت شلني اليا هاك الهضاب=حط قبري بين عنتر وأبـن عمـه زهيـر
حطني في مقبرة (( عبس)) مروين الحراب=حطني بأعلى علم (( عبس)) مروين الشطير
وان عسرك الوقت نطلع ونرجـع للتـراب=ويـارث الأرواح الألاه الأول والأخـيـر
اول الدنيا طـرب ووسـط الدنيـا عـذاب=وأخرتها الموت والقبـر وحسـابٍ عسيـر
ياجزيـل الملـك ياكافـل رزق الذباب=ياإلاهي مـن عذابـك برحمتـك أستجيـر
هبت عواصيف=
هبت عواصيف الظلوع الهدافي =وإخترت من وزن المعاني ثقيلة
وأبدأ باسم ربي وأكمل مطافي=وأعوذبه وألوذبه وألتجي له
ياعالم الأسرار ماعنك خافي=لجيت لك ياعز من نلتجي له
أسئلك سترك والعفا والعوافي=أسئلك بأسماك الكبار الجليلة
الصبح أبا اواجهك عريان حافي= دخيل وجهك يامنجي دخيله
في ليلة فيها فراشي لحافي=في منزلاً سقفه حمار النثيلة
ياواحداً فضلك على الكون ضافي=يارب وسع فيه ليلة نزيله
أسئلك تمن روعتي وإرتجافي=أسئلك ما سال اليدين البخيلة
سر ياقلـم=
سر ياقلـم واكتـب بـذوق ولباقـة=ورحب وهـل وخـل للحبـر دوراق
رحـب بخـط مبرزيـن الصـداقـه=ماهي صداقة قوم ملحـق ولحـاق
لـوإن مالـك بالمشاكـل عـلاقـه=عيباً لياهش الخوي نهظـة السـاق
والبيت نفس البيت ستـره رواقـه=ودك يصير البيت مستـور بـرواق
وانا بلشـت بيـت صعـب الغماقـه=عجزت لاكشف مدخله باي الاشنـاق
ياليـت حامـد حـط للبيـت طاقـه=ان كان ريّح عيد من عشرة اطيـاق
لالا ماظنـة يعـتـرف بالعشـاقـه=لان المحبـة كلهـا هـم واقــلاق
قد درت في بكـرا سريعـن فواقـه=دقيقتـيـن وماتعـداهـن افــواق
الصبر جيش إعـداك يعـدم سباقـة=وبعد الظلام الشمس تبدا بالاشـراق
(يمكن عقيـد القـوم يلـغي اتفاقـه=ويرفع حضر منع التجول بالاسواق
يقوله الـي صبـرت الوقـت ذاقـه=تطعّم الحلتيـت فـي مـر الاريـاق
تعلمـو فينـي أصدقـاي الحـلاقـه=مغرور غافل وانتبه عقـب مافـاق
اغتر فـي بعـض العلـوم الرقاقـه=لينن راسـه صفـره مـوس حـلاق
والله ما انسى من لحقنـي طراقـه=الله يلعن نـوب تحسيـن الاخـلاق
ابعـد ليـاأذاك الرفـيـق بنفـاقـه=وشلون لو ماالله خلق( بعد وفراق)
كانـك معـزم =
كانـك معـزم للسفرقلـي قبـل تمشـي بيـوم = وكانك ماتكره خوتي يمكن تحصـل لـك خـوي
ياحبني للبـر والمجـلاس فـي عـال الرجـوم = وان حدني وقتي صبرت وقلت حيـل الله قـوي
ياكثرماجمع نصيبي مـن رجـال ومـن رخـوم = وماعندي الا طـب بدواشـب نـاري واكتـوي
صبري على نفسي الحالي تحت سرب من التجوم = في لابةً طرماء والااسمـع غيرسرحـان يعـوي
اخير مـن هرجـة مقلبـة الحقائـق والعلـوم = الحاسديـن الحاقديـن اهـل الحنيـك الملتـوي
لاعل نفسً عن كـلام الهـزل ماتقـدر تشـوم = يـارب تكتمهـا كتـم يـارب تزويـهـا زوي
نفسي معودهاعلـى بـرد العقـارب والسمـوم = مولود بالحـره مجـرب بـرد راس المقـروي
حرة غطفـان الحصينـه بالدفـاع وباالهجـوم = يجـل الجـراد الياسمـع بركانهـا يـدوي دوي
لاطالت الشطه ترى قلبي على الفرجـه عـزوم = اجنب الراس الـردي وارد علـى العـد الـروي
وامشي على حسب العقيده والمبـادي والسلـوم = وارد على وضح النقاء وصل دلـوي ورتـوي
لاتحسبوني نمت يخصامـي تـرى مافـي نـوم = لو تنظرونـي ملتحـف تـراي صـلاً منطـوي
بسم الله=
بسم الله الرحمـن سبحانـه عليـه الأتكـال = عـلام ماتخفيـه نظـرات العيـون الخينـة
عزالله أني مابغيت الشرح لين الهـذر طـال = وياجب علـي المنطمـس للمسلميـن أبينـه
يابن مناحـي ماتغيبنـي حـرام ومستحـال = ارسل ندا عبسـي لـراع المشكلـه بمكينـه
عبس أبريا من هفوة الهافي وعذرالأحتيـال = ان خاف ربه وأن دفن حظه بوسـط دفينـه
حطيت للجهل أحتمال وظفت للخبـث أحتمـال = وطلع بريصيـن يطقطـق بالصفـا بلسينـه
البن يطلع له حثل والمجتمـع يفـرز أحثـال = واللي يبي راس الجبـل ماينسـدح ببطينـه
مالي علاقه يأزرق النيـه بتحريـف التـلال = نفس المسمـى دوره فـي ديرتـك وتعينـه
خلك معايه واقعي وأضرب على نفسك مثـال = وأذا بغيـت البينـه بابـن الوسيـط البينـة
وأذا أنها خدشة نسب حنـا نسبنـا بالعـلال = جيناتنا ماهـي علـى قلـة سنـع متجينـه
الثار والفتنه تطاردنـا علـى طـول الليـال = وحنا جبل لـو الصواعـق تظربـه ماتلينـه
وأذا أنهـا سرقـة وطنيـة وتعقيـدة حبـال = حنـا سعودييـن يـوم أن الزهـاب طحينـه
سبع بيارق كبرن يمشـن وخطاهـن ثقـال = مـع الأمـام الفيصلـي والأمـة المتديـنـة
ياقلعة الأسلام هل ياجد بـك المسلـم ظـلال = الكذب كيف نحاربه والصـدق ويـن نعينـه
رغم الظروف القاسيه نصبر مثل صبر الجمال = نموت تحيـا المملكـه فـي تاجهـا متزينـة
بقيادة الحر الأبي رمـز العروبـة والنضـال = كل المشاكل قدم أبو متعـب تصيـر هوينـه
وقـت راسٍ=
وقـت راسٍ فـي طـرف برقـا بطينـه مــواط ذيـابـه = أبيـضٍ ملـمـوم مقـلـوز مرتـكـز مرتـفـع متعـلـي
مدهلٍ للذيب سرحـان ليـا راد العشـا قبـل العشـا عدابـه = يقشعر الراس من جيلانـه اللـي بعضهـا للوطـا منهلي
يبتدي واد الرمه ليا انحدر واصتفـق مـن مفيـض شعابـه =وجنبه الغربي ليا سال سيله وانحدر والتـوى للثمـد ينحلـي
قلت أبلقى بالجبل لأهله وسم والا رسم وألقـى عليـه كتابـه = مادرست الفيزيا والكيميا لاشـك عقلـي قبـل أعـدي قلـي
شفت للكفـه بقايـا مرمسه عـن سؤالـي تـرد الجابـه = تقـل تعطينـي تحـيـه وفـيـة يــوم جـيـت تهـلـي
قلت عبسي قـال عبسـي جبـل غطفـان هـو وأصحابـه = خـذ كـلامٍ مـن هـرج فيـه قــدام الـعـرب مـازلـي
قلـت أبـي برهـان قـال أنحـدر للـقـور والا الـلابـة = والرمـوز اللـي تحـصـل تـراهـا تستحـيـج الحـلـي
قلـت تستاهـل لحـن مهجـور مبـطـي مـحـد غنـابـه = الرعيـل اللـي يغنـى علـى البـحـر الطـويـل مـولـي
ياوجودي وجد من ضايقـه بالطلب قـدم العـرب طلابـه = فـي زمـانٍ شيـن وابـن الحـلال مـن الظـروف مقلـي
أووجودي وجد من شاف غبنه وأحتزم واعتزا واخذلوه اقرابه = ياحيـاةٍ فيـك يـا هالظلـع ليـن الـروح مـن هالجسد تنسلـي
ابغى افارق ضجة المدن والعالم النصابة الكذابة = وارفع الاذان بارضٍ خلية خالية بالدجا وأصلي
واطلب اللي ماخبرته عن اضيوفه يسكر بابه = والله اعلم قبل نمشي كم خوياً بيمهلي
هذي مداهل=
هذي مداهل صاحبي هـاك الايـام=سلم علـى ضلعـه قـدم لاتعـداه
ياقد قلبـي قـد ذرعٍ مـن الخـام=في كف بيـاع ٍ يقـده لمـن جـاه
وياونتـي ونـة يتيـم ٍ ومنـضـام=في حالة قشرا على الشين تقصـاه
مرجوجة من ساس عوبـا ونمـام=من بغضها لامـه تجـره بعلبـاه
محروم من كل الصلة جد واعمـام=وابـوه ثـور ٍ ماتفهـم لشـكـواه
اشاركـه نفـس المشاعـر والالام=اشاركه بالضبـط نفـس المعانـاة
على حبيبٍ شالتـه سـود الايـام=اقفـى وراح ولاتفاهمـت ويــاه
يزورني بالحلم تسعة عشـر عـام=حبٍ على وضح النقا كيف ابنسـاه
طيفه يقابلني على جسـر الاحـلام=وشاشة خيالي تلتقط بسمـة شفـاه
ادري المحبـة كله اوهـام بـاوهـام=نظرات عطف ٍ من سنا النار مسقاه
وبحر المحبة مااقطعه كـل عـوام=كم عاشق ٍ حصل بشاطيـه مثـواه
والله يالولا العيب ونصوص الاسلام=اني لاجهز عـدة الشـر وانصـاه
انصاه لو يحكـم عليّـه بالاعـدام=رب ٍ بلاني فيـه يدمـح خطايـاه
وياضلع انا سايلك بديـار الانسـام=حافظ على عهد ٍ بقربـك قضينـاه
سايلك باللي عالم ٍ غيب الارحـام=قدام يوم الحشر لاتجيـب طريـاه
والله ماتدري من قعد بك ومن قـام=اسرار غيرك في ركونـك مخبـاة
واحذر لاتاخذك الروابع والاوهـام=مايفضح العشـاق غيـر المبابـاه
وقت رجم الشقا =
وقت رجم الشقا من عرض من واق فيه=وسبقوني على متنه قروم العيال
بين نمة حسود وبين هذرة سفيه=اتّكالي على المحيي عزيز الجلال
الوفاء ماشيٍ به والردى محتريه=حسبي الله على الهقوة ومكر الرجال
والخطاب المبطّن والسؤال الوجيه=كلبوهن لهن مغزى وجملة تقال
ومجلسٍ مايقدّر خطوتك لاتجيه=حط بينك وبينه برزخ الأعتزال
روّض النفس وأردعها عن اللي تبيه=وكان طاوعتها غنت على ليل لال
وأعطها فرصة المسجون لمزاوريه=ودفها دفة الطاغي لمستور حال
قبل تفهم غلط معناي عرّج عليه=بكرة النفس تسأل عن حرام وحلال
يامساعد ربيع يابو فيصل ياهيه=خذ عن الوضع نبذة ياكريم السبال
ياولد من تمد الجود راحة يديه=ياغصن دوحةٍ يلقى تحتها الظلال
مستحيجٍ ريال ووسط جيبي جنيه=ولازم أصرف جنيه لحاجتي بالريال
أتخذت القرار الصعب ماقلت ليه=شيٍ أكبر من الواقع وحلم الخيال
المهم أرتكيت بمرقبٍ منت أبيه=رغم طعن الزمان وضحكة الأحتيال
وأي طيب نزيه أنا خويه وأخيه=لين حمر النثايل فوق قبري تهال
ياراكب اللـي=
ياراكب اللـي فوقـه الخـرج منشـور=عليـه مـن شغـل العـذارى فنـونـه
اشعل شنـاح ايديـه ماتلمـس الـزور=فـج العـضـود موسـعـاتٍ متـونـه
الفخـذ قطـمـا والاذن راس كـافـور=وعينـه تقـل جمـر ٍ هلـه ينفخونـه
ناب الفقـار وذيلـه أشقـر ومحشـور=مايميزونـه غيـر مــن يقربـونـه
والبطـن كنـه مـن شوايـاه ممخـور=دايـم مهجنـة الهـجـن يدرجـونـه
وحبل بطانـه تسعـة اشبـار مشبـور=مقلـوز ٍ يعجـبـك شكـلـه ولـونـه
يسرح من الخفجي زبد صـدره يفـور=يشـدى غـزالٍ بالسلـق يطـردونـه
وعليـه عبسـي ٍ محنـك ومـمـرور=الـدرب مايحتـاج مــن ياصفـونـه
زهيبـه بـر ٍ مطـحـن ومـصـرور=ودهن وتمـر مـن الفصـم ينظفونـه
والماء بشنـه والعصـا عـود باكـور=وكـلاش فيـه المحرقـات مخـزونـه
صبح اربع ٍ مقفن من الخبـت بحـدور=قـدمـه بـجـده لابــة ٍ يحتـرونـه
عند الشدادي حـط خرجـه ومشكـور=سلـم علـى خشمـه بلطـف وليونـه
مـد الجـواب وقلـه الوضـع مقـدور=مـن ظـن فينـا مانخـيـب ظنـونـه
مـده لـقـرم ٍ لاتكـبـر ولا غــرور=ريف الضيوف اللـي عشاهـم يبونـه
راعي صحون ٍ وسطها يصبـح السـور=يضحون تالـي زادهـم فـي صحونـة
تركـي ليـا منـه هبـا كـل مثـبـور=عز القصيـر وعـز مـن يزهمونـه
من لابـة ٍ وسـط الجزيـرة لهـا دور=الطيب فـي غالـي الثمـن يشترونـه
حـوارث ٍ وافيـن مافيـهـم قـصـور=المجـد يارثـهـم وهــم يارثـونـه
واللي مثـل شـرواه ماعنـه مذخـور=حـق ٍ علـي مشاركـه فـي غبـونـه
ماجـور ياريـف المساييـر مـاجـور=ابشـر بجاهـي والسلـف والمعـونـه
ياعاشق ٍ فـي سكـرة الحـب مغمـور=عضيـض غلـث ٍ وافيـات ٍ حتـونـه
يعول كما تعـول خلـوج ٍ مـن الخـور=شافـت ولدهـا قدمـهـا يصلخـونـه
عقب اروحت دمـه علـى دمـه تـدور=مـا الله هداهـم بالـزمـل يدفنـونـه
ويقنب قنيب الذيب فـي راس عنقـور=ذيـب ٍ عيالـه بالـعـوا يشحـذونـه
عدا وعـود باشهـب الملـح منـزور=لـولاه هـف مـع الشفـا يذبحـونـه
الحـب سهـم ٍ يطعـن انـاث وذكـور=وتنتـج عنـه علـه بليـا سخـونـه
ومع الغروب يصيـب راعيـه حاشـور=يقرا آيـة الكرسـي وترقـص سكونـه
لاشك في سلم العـرب شبـه محظـور=راعيـه لـو انـه بــري يتهمـونـه
ويصير فـي نظراتهـم تقـل مجـدور=مـا تقـل ذاقـوا مـن مذاقـه نمونـه
قالـوا بـه العشـاق كلمـات وسطـور=صـوارم ٍ حـوض الـدرك يـاردونـه
والعرض مثـل البنـك يحتـاج ناطـور=ولا يحسبـون رجـال مـن يهملـونـه
وحنا بجكم وشـرع والكـف مقصـور=ومـن زل سلطـات البلـد يسجنـونـه
اصبر وعادي يربـض الحـظ ويثـور=وان ثـار فـك القفـل لــو يقفلـونـه
وعليـك باللـي يطلبـه كـل معسـور=تـرى الأمـر بيديـه والكـون كونـه
ومعك اختصرت الرد من غير مقصـور=ارجي عسى اهل المختلـف يسمعونـه
نبا نصلـي=
نبا نصلـي ركعتيـن استخـارة = ونسلم الموضوع رب السماوات
لولا الحلاوة ما عرفنا المـرارة = ولولا اللعانة ما اكتشفنا الحركات
ولولا الحوايج ما نبيع بخسـارة = ولولا التعاسة ما عرفنا المسرات
ولولا الكسر ما قد عرفنا الجبارة = ولولا التركد كان أكلنا المطبات
وكلن حسب عقله يصدر قـراره = وكلن يحب المال والعز والذات
وكل الحرايق مبتداهـا شـرارة = وكل العجايز كانن أول بنيـات
ولولا البرودة ما عرفنا الحـرارة = ولولا البداية ماوصلنا النهايـات
يامـرحـبـا=
وعــد الـحـروف وعــد مجـمـوع الاصـنـاف=وعـــد الـنـبـات وعـــد خـــوص الـجـريــدي
اقــولــهــا واردهــــــا عـــشـــرة اضـــعـــاف =تـرحـيـبـةٍتـجـلـي ســـــــواد الــصـــديـــدي
اقـولــهــا مــانـــي مـجــامــل ولا اخــــــاف=تـقــديــر لـلــوطــري ووقــفـــت عـضــيــدي
مـــن غـيــر ربـــك يـمـلـك الـنــون والـكــاف=جــــلا جــلالـــه يـفــعــل الــلـــي يــريـــدي
جعـلـه يعـوضـك بالغـضـي نــاب الارداف=بــاســمــاه اســـالـــه رافــــــعٍ راحت ايــــــدي
وان كــان قـصـدك مــال يانـسـل الاشــراف=مــالـــي وحــالـــي مــلـــك لـــيـــا تريــــــدي
ومن يعتزي في عبس ما يصيبه اجحاف=لـــو هـــم فـقــارى عـزمـهـم مـــن حــديــدي
ياالقهوجي=
ياالقهوجي هات الحجر واضبط الراس=ياكثـر مالجـت همومـي براسـي
همومـي اللـي ليـا كلما دك الأدمـاس=دكت عليّـه مـع دكـاك الدماسـي
ياكثر ماتجري مشاكل علـى النـاس=ونوبن يهين النفـس شـي ٍ طفاسـي
أرسلـت للهنـد مرسـول عسـاس=أنـا علـى نيـة والأقشـر سياسـي
مسحـت القـزازة=
مسحـت القـزازة واستـوت ضبطـة البـراد=بـجــو لـطـيـف فـــي ذرا عـثـعــث خــالــي
بـعـيـد عـــن الانـــذال ومـقـابــل الـحـســاد=نــاس سوالفـهـم عـلـى جـمــع الامـوالــي
الا يالـرجـوم الـسـود وان ينـشـدك نـشـاد=عطنها الصراحـه واشرحلـه عـن احوالـي
لحالـي لحالـي تقـل فـي وسـط شهـر زاد=قــريــب مــــن الاهــــرام مــــدري يــورالــي
تقضقض تقضقض جعل ماحافك الحداد=قصـودك تدانـت والهمـوم اشغلـت بـالـي
خـويــي إلـيــا زادت رســـوم المـسـافـة زاد=لله در مـــصـــمـــم الــــــــــوارد الـــتـــالــــي
شعر عيد بن مربح=


 
 توقيع : الناطق الاعلامي


التعديل الأخير تم بواسطة البشرآن ; 06-22-2020 الساعة 11:21 PM

رد مع اقتباس
قديم 06-22-2020, 11:22 PM   #2


الصورة الرمزية البشرآن
البشرآن غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Jul 2013
 أخر زيارة : يوم أمس (02:43 AM)
 المشاركات : 937 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Crimson

اوسمتي

افتراضي



رفع الموضوووووووووووووووووووووووووووووع


 
 توقيع : البشرآن



رد مع اقتباس
إضافة رد

مواقع النشر (المفضلة)

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع إبحث في الموضوع
إبحث في الموضوع:

البحث المتقدم
طريقة عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


Loading...


Powered by vBulletin® Version 3.8.4
Copyright ©2000 - 2020, Jelsoft Enterprises Ltd diamond
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education
هام // ليس بالضرورة ان تعبر جميع المشاركات عن وجهة نظر المنتدى بل تعبر عن وجهة نظر صاحبها
اختصار الروابط
vEhdaa 1.1 by NLP ©2009